အသက် ၁၈လသား မှ ၃နှစ်၊ ၃ နှစ်မှ ၆ နှစ်အထိ၊ ၇ နှစ်မှ ၁၅ နှစ် အထိ အုပ်စု ခွဲထားရှိပါသည်။

အသက် ၃နှစ်မှ ၆နှစ်ကြားကလေးငယ်များအတွက် နေ့စဉ်လှုပ်ရှားမှုများတွင် သဘာဝတွင်ကစားခြင်းနှင့် နေရာအလိုက် အစီအစဉ်များပါရှိပါသည်။ တောတွင်းလမ်းလျှောက်၊ စူးစမ်းထောက်လှမ်းခြင်း၊ လိပ်ပြာလေးများဖမ်းယူလေ့လာခြင်း၊ ရုပ်သေးပွဲများ၊ သရုပ်ဆောင်တင်ဆက်ခြင်း၊ ပုံပြောခြင်း၊ သစ်ပင် ဥယာဉ်စိုက်ပျိုးခြင်း၊ဟင်းချက်ခြင်း၊ သီချင်းဆိုခြင်းနှင့် လှုပ်ရှားမှုကစားနည်းများ၊ ဝိုင်းဖွဲ့ခြင်း၊ ဆေးရောင်ချယ်ခြင်း၊ ကိုယ်လက်သန့်စင်ခြင်း၊ သန့်ရှင်းရေးလုပ်ခြင်း၊ ယောဂနှင့် တရားထိုင်ခြင်းများပါဝင်ပါသည်။

သင်ထောက်ကူပစ္စည်းများကိုလည်း သဘာဝပတ်ဝန်းကျင်တွင်ရှိသော ပစ္စည်းများကိုသာ အသုံးပြု ထားပါသည်။သစ်သားတုံးများဖြင့် တည်ဆောက်ကစားခြင်း၊ အရုပ်ကစားစရာများ၊ ပိုးအဝတ်များ၊ ရွှံ့မီးဖိုချောင်၊ သဘာဝရှိပစ္စည်းလေးများဖြင့် ကစားခြင်း၊ သဲ ကျောက် ရေကစားခြင်းနှင့်သဘာဝရှိအရောင်များကိုအသုံးပြုခြင်း တို့သည် သမားရိုးကျကျောင်းများနှင့်မတူ တမူကွဲ၍  ကလေးများကို သက်တောင့်သက်သာ ရှိစေပါသည်။

ကလေးငယ်များ၏ဖွံ့ဖြိုးတိုးတက်မှုအကြောင်းဆွေးနွေးမည်၊ သီချင်းများလေ့လာမည်၊ လက်မှုပညာ ဖန်တီးမှုနှင့် သဘာဝကိုသက်ဝင်ခံစားထားသော လက်ရာများကို ဖန်တီးပြမည်။

ကစားစေခြင်းဖြင့်အားဖြင့် ကလေးများသည်း သူတို့၏ကမ္ဘာ ကိုနားလည်လာပြီးသူတို့၏ ဆန္ဒအမှန် များကိုလည်း ဖွင့်ဟလာတတ်ပါသည်။ မိဘများကလည်း သဘာဝကိုအခြေခံသော လက်ရာများကို ဖန်တီးကြမည်ဖြစ်သည်။

အသက် ၃ နှစ်မှ ၆ နှစ်ကြားကလေးငယ်များအတွက် ကျောင်းပြင်ပမူကြိုရာသီမရွေး ပြင်ပတွင်သာ သင်ကြားမည်။ မည်သည့်ရာသီဥတုအခြေအနေတွင်မဆို ကလေးများအား ကစားနိုင်အောင်၊ သစ်တောအတွင်း ရှာဖွေလေ့လာစူးစမ်းနိုင်အောင် အားပေးကူညီသွားမည်။ လူကြီး များက ဦးဆောင်ရန်အတွက်မဟုတ်ပဲ ကူညီပေးရန်သာဖြစ်သည်။

အသက် ၇နှစ်မှ ၁၅နှစ်ကြားကလေးငယ်များအတွက် ကလေးများကို အသက်ရှင်လွတ်မြောက်မှု လုပ်ဆောင်ရာတွင် သတ္တိရှိလာစေရန်၊ ယုံကြည်မှုရှိလာစေရန်၊ ခံနိုင်ရည်ရှိလာစေရန်  စနစ်တကျ စီစဉ်ထားသော စွန့်စားမှုများကို မကြာခဏလုပ်ဆောင်ခိုင်းပါမည်။

အသက် ၇နှစ်မှ ၁၅ နှစ်အရွယ်ထိ ကလေးများအတွက် ရာသီစုံ နေ့ပြင်ပစခန်းထားရှိပါမည်။

အသက်ရှင်လွတ်မြောက်မှုအတွက် ကျွမ်းကျင်မှုများကို သင်ကြားပေးပါမည်။ ကလေးများကို တစ်ရက်စာအတွက်လိုအပ်သော ထုတ်ပိုးမှုပြင်ဆင်ခြင်း၊ ပြင်ပစခန်းအတွက်လိုအပ်သော အသုံးအ ဆောင် အဝတ်အထည်များ ၊ မီးမွှေးခြင်း၊ ကြိုးချည်းနည်း၊ ယာယီတဲ ရွက်ဖျင်တဲများထိုးခြင်း နှင့် ပြင်ပစခန်းတွင် လိုအပ်သော အစားအသောက်များအကြောင်း သင်ကြားပေးမည်။